تحت الدف .. !

هي مجموعة من التغريدات كتبتها في هاشتاج يحمل نفس الاسم , اقول فيها كل ما خطر على بالي و اعني به ما اعني ! :) 

- تفرج في الأخبار , ما لقى حتى خبار على الكسايد أو انهيار المباني في الاحياء العتيقة ! طاح ليه العجب , جا فوق راس واحد سايق رموك , دخل في طوموبيل قدامو .. واحدة المرا في السطح شافت الكسيدة ,غوتات .. طاحت بيها الدار ! 

- شعل التلفازة , لقى الاخبار على مجازر سوريا و فلسطين , و مشاكل مصر و مالي و مجاعة الصومال ... قال : لا بد من التغيير .. تغيير القناة ! 

- الأستاذ : اش بغيتي تكون منين تكبر ؟

التلميذ : شفار !

الاستاذ : ؟!! غتولي مجرم و تدخل الحبس !

التلميذ : اممممم اذا بغيت نولي وزير !

الأستاذ : واو برافو , و علاش ؟

التلميذ : باش نكون شفار و ماندخلش الحبس ! 

(قبل الاستراحة)
الاستاذ: محمد ماهو طموحك؟
محمد: اكون ملكا للمغرب!
(بعد الاستراحة)
التلاميذ: أستاذ .. أين محمد؟

- " استاذ يقتل زميله في ساحة المدرسة "

  " تلميذ يذبح استاذه وسط الفصل "

  " تلميذ يتسبب بإجهاض أستاذته "

  " معلم يغتصب تلميذاته " ...

والله يا باباه أوباما ما عندو بحال هاد المدارس ! #الوفا_ستايل 

- مشى يشري " الربيع " من عند " العربي " , شدوه في الحبس !

- تزاد عندو دري في 20 فبراير , تبرّأ منه !

- عطيتهم صوتي في الإنتخابات , و بقيت زيزون !

- أقتل الخوف في داخلك.. تدخل الحبس !

- google traduction الراعي الرسمي للقراية بعد الباك في المغرب ! 

- كيدخلوا العملة الصعبة للبلاد ؟ اه نعم ا سي >>>> خدموا ليهم CD ديال نجاة عتابو و فوضيل : مرحبا بيكوم في بلادكوم ♬ ♪ 

عندهوم الأزمة و ضاق بيهم الحال ؟ اه نعم ا سي >>>> خدموا ليهم CD ديال القذافي : من أنتم ! #مغاربة_المهجر 

- أنا شاب مغربي عندي شهادات عليا بغيت خدمة .. بّاك صاحبي ؟ لا .. مُّك في العرس ؟ لا .. كتعرف تدهن السير ؟ لا  .. اممممم  طلبك مرفوض ناقصاك الخبرة !! 

- كنموت - من البرد , الجوع , الحكرة , الفقر , المحسوبية , الفقصة , التهميش , الذل , الهم , الكسايد , ... - على المغرب ! #جملة_اعتراضية 

- ملخص انجازات الحكومة : بنكيران تعلم يصاوب الكرافاطة و دوزيم ولات دير الآذان ! .. أفلا تكبرون ! #مرسي_ستايل 

- لي باغي يتعلم يصاوب الكرافاطة يخدم رئيس حكومة في المغرب !

- ح بنت ح , منين كيتزاد سعر النفط في العالم كتزيد في الأسعار , و منين كينقص ماكتنقصش في الاسعار ! شكون هاد ح بنت ح : واش الحكومة و لا حسناء صاحبة ماما ! 

- قالوا ناس زمان : تبع الكذاب حتى لباب الحكومة !

- شتي الوزير ؟؟ شتو .. شتي شكارتو ؟ !

- *شفتي ا سي الوزير شحال من واحد كيموت في الكسايد كل دقيقة ؟

*وشفتي انت شحال من واحد كيتزاد كل دقيقة ؟؟؟ #حكومة_عزرائيل #توازن

- الأحزاب عندنا كلها سميتها " الاستقلال " الا " الاتحاد الاشتراكي " سميتو " الاصالة و المعاصرة " و كنعيطو ليه " العدالة و التنمية " !

- السياسة الجديدة للحكومة للتحكم في الانفجار الديموغرافي في المغرب تعتمد على آليتين : تحديد النسل و حوادث السير !

- تنتهي حرية الفرد عندما تبدأ مصلحة " الناس الكبار " ! #روح_الدستور

- واحد في التيران جالس مع رئيس الجامعة الملكية لكرة القدم , قالليه : "أسي الرئيس , كيبان لي المدرب خاصو يبدل لاعب الارتكاز !"

جاوبو الرئيس : "واييه كيبان لي المياغري عيا نيت ! " 

- قالك مهندس معماري اجنبي زار صاحبو المهندس المعماري المغربي , شاف عندو واحد البلان قالليه :"تطورتوا ,  وليتو تبنيوا مقابر على شكل عمارات , واو !! "

جاوبو المغربي :" لا ا صاحبي , هاداك راه البلان ديال مشروع السكن الاقتصادي ! "

- طاحت القنطرة , علقوا الشتا ! 

- قالوا ناس الغيوان : عايشين عيشة بنادم في المغرب ! 

- المغرب استثناء , لديه ثورة سلمية كيحلبها في المناسبات !! 

- المغرب خايب , و الموغريب زوين ! 

- غادي في الطريق , زلق في قشور بنانة .. طلع ليه الدم وهو يدعي : الله يهرس يد الي كيرمى الزبل في الشارع ! زاد شوية و هو يتهرس من يدو ! 

-  لا فرق بين مدير ولا عاطل ولا وزير ولا فلاح ولا ... الا بالرشوة ! #تحت_الدف #متفق_عليه 

- فاق الصباح , لقى الدنيا نقية , الشوارع مشطبة و تروطوار مصبوغ و الطريق مزفتة و الشجر مغروس و الشماكرية و الكلاب منقارضين ! دار عند صاحبو و قال ليه : "شنو غيدشن الملك هنا ؟"

- جالس كيسمع خطبة الجمعة , منين وصل الفقيه للدعاء , قال لولدو : "انا غنعس شوية , منين يسالي الفقيه الدعاء للعائلة الملكية فيقني باش نقول أمين ! "

-الي شايف بلّي العام زين يقول : " عاش الملك " , و لي ماشايفش نديرو ليه النظاظر !

-  بدا الخطاب , حيِّد الصوت للتلفازة و خدّم الكاسيطة ! 

- قالك واحد الراجل تحنى يبوس يد واحد البرهوش , تبلوكا ليه الظهر و عاش عمرو كله محني !! 

- عندي من الرواح لي حبيتي : روح الورد , روح اللوز , روح اليازير .. حتى روح جافيل عندي شوف انت شو  باغي دير ؟

 أنا باغي ندير التغيير ! 

امممم هادي خاصها روح الوطنية , خسارة ماكتباعش !